Lider.com.az istinadən bildirir ki, Amerika Birləşmiş Ştatları ilə İsrail İrana qarşı təzə hərbi əməliyyat strategiyası hazırlayıblar və bu addım diplomatik prosesin nəticəsiz qalacağı təqdirdə, noyabr ayındakı aralıq seçkilərindən dərhal sonra reallaşacaq.
Bildirilib ki, bazar ertəsi İsrail Müdafiə Qüvvələrinin Baş Qərargah rəisi general Eyal Zamir potensial hücumlardan əvvəl addımları uzlaşdırmaq məqsədilə ABŞ Silahlı Qüvvələrinin Mərkəzi Komandanlığının rəhbəri admiral Bred Kuperlə təmaslar qurub.
Mənbələrin iddiasına görə, son məqamda hər hansı razılaşma əldə olunmasa, kütləvi bombardmanlarla hərbi əməliyyatın aralıq seçkilərindən qısa müddət sonra yenidən başlanacağı ehtimal edilir və müttəfiq tərəflər Tehranın nüvə obyektlərinə, energetika sektoruna və ali rəhbərliyinə istiqamətlənmiş bir həftəlik intensiv zərbələr kampaniyası planlaşdırırlar.
Həmçinin vurğulanıb ki, Qətərin rəhbərlik etdiyi regional vasitəçilər, eləcə də Səudiyyə Ərəbistanı, Türkiyə, Pakistan və Misir İrana yeni hücumların qarşısını almaq üçün səy göstərirlər və onlar Tehranı aktivlərin bir hissəsinin blokdan çıxarılması ilə neft ixracındakı güzəştlər müqabilində Beynəlxalq Atom Enerjisi Agentliyinin müfəttişlərini nüvə obyektlərinə buraxmağa razı salmağa çalışaraq, rəhbərliyə bu addımların genişmiqyaslı bombardman dalğasının qarşısını alan yeganə fürsət olduğunu bildirirlər.
Bundan əvvəl ABŞ Prezidenti Donald Tramp aralıq seçkilərdən sonra İrana qarşı yeni zərbələrin endirilməsi ehtimalını istisna etməmiş, mövcud vəziyyətdə hər şeyin mümkün olduğunu dilə gətirmişdi.