Lider.com.az istinadən bildirir ki, ABŞ Dövlət Departamenti təhlükəsizlik risklərini əsas gətirərək Səudiyyə Ərəbistanındakı diplomatik nümayəndəliyinin işçilərinin və səfirlik əməkdaşlarının ailə üzvlərinin bir qisminin ölkəni tərk etməsi haqqında qərar çıxarıb.
Məlumat departamentin rəsmi internet səhifəsində yer alıb.
Açıqlamaya əsasən, 2026-cı il oktyabrın 23-dən etibarən Birləşmiş Ştatlar hökumətinin vacib funksiyaları yerinə yetirməyən əməkdaşlarına, eləcə də onların ailə üzvlərinə yaranan təhlükəsizlik təhdidləri səbəbindən Səudiyyə Ərəbistanından ayrılmaq əmri verilib.
Bildirilir ki, Yəmənin "Ənsar Allah" hərəkatının husiləri tərəfindən Səudiyyə Ərəbistanına qarşı hərbi əməliyyatlar həyata keçirilir, həmçinin mülki hava limanları və digər vacib infrastruktur obyektləri hədəfə alınır, bunun nəticəsində dinc sakinlər arasında tələfat qeydə alınır və nəqliyyat sistemində ciddi fasilələr yaranır.
Xidmət münaqişənin birbaşa döyüş sərhədlərindən kənara sürətlə genişlənmək təhlükəsinin mövcudluğunu da diqqətə çatdırıb.
Bununla yanaşı, amerikalı diplomatlara krallıq daxilindəki istənilən aeroportdan faydalanmaq üçün missiya rəhbərindən xüsusi icazə tələb olunması tapşırılıb və bu addımın hava limanlarına raket və PUA hücumları ilə əlaqədar atıldığı qeyd olunub.
Dövlət Departamenti ABŞ vətəndaşlarına mümkün hücumlar, hava məkanının bağlanması, uçuşların ləğvi və nəqliyyatda baş verə biləcək problemlərə hazır olmağı məsləhət görüb.
Bundan əlavə, qurum Səudiyyə Ərəbistanında raket əleyhinə müdafiə qurğularının, pilotsuz uçuş aparatlarının və onlara aid qalıqların yerləşdiyi ərazilərin fotoşəkillərinin, eləcə də videolarının çəkilməsinin, həmçinin bu barədə məlumatların ictimailəşdirilməsinin qadağan olunduğunu xatırladaraq, həmin qaydalara riayət etməyənlərin, dövlət obyektlərini, hava limanlarını və raket düşən nöqtələri çəkən ABŞ vətəndaşlarının saxlanıldığını bəyan edib.