Lider.com.az istinadən bildirir ki, Çin rəhbərliyi dövlət qulluqçularının, o cümlədən onların ailə üzvlərinin fəaliyyətinə nəzarət mexanizmlərini və korrupsiyaya qarşı yoxlamaları sərtləşdirməyi niyyətlənsə də, bu addım Çin Kommunist Partiyası Mərkəzi Komitəsinin plenumunda qəbul edilən qərara əsasən həyata keçiriləcək.
Yeni mexanizmlərin əsas vəzifəsi gizli aktivlərin üzə çıxarılması, eləcə də məmurların rəsmi qazancı ilə faktiki həyat tərzi arasındakı uyğunsuzluqların müəyyənləşdirilməsidir.
Təşəbbüs çərçivəsində rəhbər şəxslərin ailə üzvlərinin xərcləri və mülkiyyəti təftiş ediləcək, həmçinin yaxın qohumların kommersiya fəaliyyətinə nəzarət gücləndiriləcək.
Bununla bərabər, qulluqçulara, o cümlədən vəzifədən getdikdən və ya təqaüdə çıxdıqdan sonra da nəzarətin artırılması planlaşdırılır, eləcə də məsuliyyətdən qaçmaq üçün məmurların vaxtından əvvəl istefa verməsinin qarşısının alınması tapşırılıb.