Lider.com.az istinadən bildirir ki, Ermənistanın baş naziri Nikol Paşinyan ölkə daxilində müxalifətin gerçəkləşdirməyə cəhd göstərdiyi iddia olunan gizli planın Rusiyadakı müəyyən dairələr tərəfindən dəstəkləndiyini açıqlayıb.
Paşinyan bu barədə Ermənistan parlamentində 2027-ci ilin dövlət büdcəsi layihəsinin ilkin müzakirələri zamanı bəhs edib.
Hökumət başçısının sözlərinə görə, Ermənistanda həmin planı həyata keçirmək üçün yetərli resurslar mövcud deyil və onun müəllifləri xaricdən dəstək qazanmağa çalışırlar.
Aydındır ki, bu plan Avrasiya İqtisadi İttifaqının və Rusiyanın müəyyən dairələrində dəstəklənir, çünki Ermənistana konkret vədlər və təminatlarla müəyyən şəxslər göndərilib.
O, müxalifətin fəaliyyətinin xarici qüvvələrin təqdim etdiyi təminatlarla bağlı olduğunu iddia edib.
Tarix göstərir ki, xarici təminatçıların qoşulduğu proseslər fəlakətlə nəticələnib və bu dəfə də onların himayəsi altında hərəkət edən müxalifəti siyasi fəlakət gözləyir.
Paşinyan əlavə edib ki, müxalifət təmsilçilərinin bu aqibətdən qurtulmaq üçün hələ də vaxtı qalır.
Ermənistanın baş naziri hesab edir ki, ölkənin gələcəyi baxımından yeganə təminatçı xarici qüvvələr yox, məhz Ermənistan xalqı olmalıdır.