Lider.com.az istinadən bildirir ki, Amerika Hərbi Hava Qüvvələri Ukrayna tərəfinə təslim edilməsi nəzərdə tutulan mindən artıq ERAM markalı qanadlı raketin istehsal prosesi və göndərilməsi məqsədilə silah istehsalçısı olan şirkətlərə müraciət ünvanlayıb.
Layihəyə əsasən, ERAM tipli sursatların çəkisinin təxminən 230 kiloqram olacağı, 463 kilometrdən artıq məsafəni qət edə biləcəyi və sürətinin 0,6 Max həddini keçəcəyi gözlənilir. Həmin silahlar güclü radioelektron müdaxilə mühitində belə hədəfləri ən çoxu 10 metr yayınma ehtimalı ilə vurmağa qadir olmalıdır.
Müdafiə sənayesi müəssisələri öz təkliflərini noyabr ayının 19-dək təqdim etməlidirlər. İlkin partiya raketlərin razılaşma təsdiqləndikdən sonra üç ay ərzində yola salınması, bütövlükdə isə bütün sifarişin 15 ay ərzində başa çatdırılması nəzərdə tutulur.
Xatırladaq ki, ERAM layihəsi çərçivəsində bu silahların layihələndirilməsinə 2024-cü ildə start verilib. Birləşmiş Ştatlar 2025-ci ilin avqust ayında Kiyevə 3350 ədəd bu cür raketin potensial satışını 825 milyon dollar dəyərində təsdiq edib.