Lider.com.az istinadən bildirir ki, Avropa Komissiyasının bəyanatına əsasən, Gürcüstanın Avropa İttifaqına daxil olmaq istiqamətindəki fəaliyyəti faktiki olaraq durdurulub və ölkənin daşıdığı namizəd statusu artıq yalnız formal xarakterə malikdir.
Açıqlamada vurğulanır ki, rəsmi Tbilisi qurumun namizəd statusunun əldə olunması üçün irəli sürdüyü doqquz əsas tələbi yerinə yetirməməkdə davam edir.
Sənəddə həmçinin qeyd edilir ki, əgər Gürcüstan rəhbərliyi siyasi kursunu dəyişməzsə və Aİ-yə üzvlüyün təməl prinsiplərinə geri qayıtmasa, dövlət nə namizəd statusunun üstünlüklərindən, nə də inteqrasiya hazırlıqlarından yararlana biləcək.
Xatırladaq ki, Gürcüstana Avropa İttifaqına namizəd statusu 2023-cü ilin dekabr ayında təqdim olunmuşdu. Bununla yanaşı, ölkənin hökuməti 2024-cü il noyabrın 28-də təşkilata üzvlük danışıqlarının 2028-ci ilədək müzakirə olunmayacağını açıqlamış, həmçinin respublikanın Aİ-yə 2030-cu ildə daha yaxşı hazırlıqla qoşulacağını bəyan etmişdi.