Lider.com.az istinadən bildirir ki, Amerika Birləşmiş Ştatlarının Konqresə tutulan aralıq seçkilərindən dərhal sonra hakimiyyət dairələrində Tehran istiqamətində atılacaq növbəti addımlarla əlaqədar mövqe fərqlilikləri kəskinləşib.
Nüfuzlu "The Wall Street Journal" nəşri daxili mənbələrə istinadən bu barədə məlumat yayıb.
Bildirilir ki, bəzi məmurlar ölkə başçısı Donald Trampı İran İslam Respublikasına qarşı yeni zərbələr endirməyə və yalnız bundan sonra sülhə nail olmağa səsləyirlər, digər qrup isə hərbi müdaxiləni vaxtında dayandırmağın lazım olduğunu müdafiə edir.
Mətbuatda qeyd olunur ki, Respublikaçılar Partiyasının aralıq seçkilərindəki uğursuzluğundan sonra İranla bağlı hərbi strategiya ətrafında hökumət içindəki fikir ayrılıqları daha da qabarıb.
Xatırladaq ki, Donald Tramp noyabrın 4-də istənilən an Tehranla münaqişəni bitirə biləcəyini, ancaq bunun düzgün formada yerinə yetirilməli olduğunu söyləmişdi. Eyni zamanda o, Respublikaçıların seçki nəticələrində uduzmasının başlıca səbəbləri sırasında İran məsələsini və yanacaq qiymətlərinin artmasını göstərmişdi.