Lider.com.az istinadən bildirir ki, qadın voleybolçulardan ibarət "DH Volley" kollektivi CEV Çelenc Kuboku çərçivəsində növbəti görüşünü keçirəcək.
Azərbaycan təmsilçisi bu gün turnirin 1/32 final mərhələsinin cavab matçında Danimarkanın "Holte IF" komandasını sınağa çəkəcək.
Oyun Fövqəladə Hallar Nazirliyinin paytaxtdakı idman zalında təşkil olunacaq və saat 18:00-da başlanacaq.
Xatırladaq ki, komandaların ilk qarşılaşması "DH Volley"nin 3:1 hesablı qələbəsi ilə yekunlaşmışdı. Bu cütlüyün qalibi növbəti mərhələdə Polşanın LKS klubu ilə üz-üzə gələcək.