Lider.com.az istinadən bildirir ki, 2026-cı ilin yanvar-sentyabr dövründə respublikanın dövlət xəzinəsinə qeyri-neft-qaz sahəsindən 16 milyard 381,3 milyon manat vəsait daxil olub ki, bu da əvvəlki ilin müvafiq ayları ilə müqayisədə 9,3 faiz çoxdur.
Azərbaycan Maliyyə Nazirliyinin təqdim etdiyi rəqəmlərə əsasən, qeyri-neft-qaz daxilolmaları ümumi büdcə gəlirlərinin 55,9 faizini əhatə edib və ötən ilin müvafiq dövrü ilə müqayisədə xüsusi çəki 4,5 faiz bəndi yüksəlib.
Açıqlanan göstəricilərə görə, qeyri-neft-qaz sektoru üzrə daxilolma proqnozu 161,9 milyon manat və ya 1 faiz üstələnməklə icra olunub, illik müqayisədə isə artım 1 milyard 388,4 milyon manat təşkil edib.
Qeyri-neft-qaz daxilolmalarının əsas hissəsi — 63 faizi və ya 10 milyard 327,9 milyon manatı vergi xidməti strukturlarının, 30,4 faizi və ya 4 milyard 973,3 milyon manatı isə gömrük qurumlarının payına düşüb.
Eyni zamanda, büdcədən maliyyə alan qurumların ödənişli xizmətlərindən 543,2 milyon manat (qeyri-neft daxilolmalarının 3,3 faizi) vəsait toplanıb.
Dövlət əmlakının icarəsindən əldə edilən gəlirlər 43,2 milyon manat (0,3 faiz), sair daxilolmalar isə 493,7 milyon manat (3 faiz) təşkil edib.