Lider.com.az istinadən bildirir ki, Azərbaycanın işğaldan azad edilmiş torpaqlarında özəl qurumlar tərəfindən mindən çox — 1 300-dən artıq layihə gerçəkləşdirilir.
Bu barədə İqtisadiyyat Nazirliyinin Aparat rəhbəri Elvin Camalov Milli Məclisin İqtisadi siyasət, sənaye və sahibkarlıq komitəsinin növbəti ilin büdcə zərfinin müzakirəsinə həsr olunan iclasında çıxışı zamanı məlumat verib.
O qeyd edib ki, ölkənin iqtisadi inkişafının başlıca prioritetlərindən biri sayılan azad olunmuş bölgələrin bərpası istiqamətində işlər uğurla irəliləyir.
Onun sözlərinə görə, qarşıya qoyulan əsas hədəf Böyük Qayıdışın iqtisadi sütunlarını möhkəmləndirmək, həmçinin istehsal səviyyəsini və məşğulluq imkanlarını artırmaqdır: "Hazırda Ağdam və Araz Vadisi İqtisadi zonalarının sənaye parklarında 60 sahibkarlıq subyekti qeydiyyatdan keçib və təxminən 3 milyard manat dəyərində mal istehsalı təmin olunub. Ümumilikdə həmin zonalarda özəl sektor tərəfindən 1 300-dən çox layihə icra olunur".