Lider.com.az istinadən bildirir ki, Bişkekdə təşkil olunan “Data Protection Forum 2026” adlı beynəlxalq forum çərçivəsində Rəqəmsal İnkişaf və Nəqliyyat Nazirliyinin tabeliyində fəaliyyət göstərən Milli Kibertəhlükəsizlik Agentliyi ilə Qırğız Respublikasının Fərdi Məlumatların Mühafizəsi üzrə Dövlət Agentliyi arasında imzalanmış memorandumun nüsxələrinin mübadilə mərasimi baş tutub və sənəd qurum rəhbərləri tərəfindən təsdiqlənib.
Razılaşma fərdi məlumatların qorunması istiqamətində əməkdaşlıq əlaqələrinin dərinləşdirilməsini, aidiyyəti qurumlar arasında təcrübə ilə yanaşı məlumat mübadiləsinin artırılmasını, qabaqcıl qlobal təcrübənin mənimsənilməsini və tətbiqini, eləcə də fərdi məlumat subyektlərinin hüquqlarının müdafiəsinin gücləndirilməsi üzrə birgə səyləri ehtiva edir.
Beynəlxalq tədbirdə Milli Kibertəhlükəsizlik Agentliyi Fərdi Məlumatların Mühafizəsi departamentinin direktoru Xəyalə Babayeva tərəfindən təmsil olunub və o, müzakirələr zamanı ölkəmizdə süni intellektin tərəqqisi fonunda fərdi məlumatların qorunması, eləcə də rəqəmsal etimadın möhkəmləndirilməsi istiqamətində görülən işləri iştirakçıların diqqətinə çatdırıb.