Lider.com.az istinadən bildirir ki, Azərbaycan xalqı çoxəsrlik salnaməsinin ən şanlı səhifələrindən olan 8 Noyabr Zəfər Gününü böyük qürurla qeyd edir.
Prezident və Müzəffər Ali Baş Komandan İlham Əliyevin rəhbərliyi ilə cəmi 44 gün ərzində otuz illik işgüzarlığa və işğala son qoyularaq ölkəmizin ərazi bütövlüyü təmin olundu.
Qazanılan bu möhtəşəm qələbə nəticəsində Azərbaycan vətəndaşları qalib xalq statusunu qazandı, eyni zamanda dövlətimizin iqtisadi və hərbi qüdrəti bütün dünyaya nümayiş etdirildi.
Döyüş əməliyyatları başa çatan kimi azad edilən torpaqlarda genişmiqyaslı tikinti və bərpa tədbirlərinə start verildi.
Tariximizə qızıl hərflərlə həkk olunan 2020-ci il noyabrın 8-də qəhrəman Silahlı Qüvvələrimiz sıldırım qayaları və çətin relyefləri aşaraq Qarabağın tacı olan Şuşa şəhərini düşməndən təmizlədi.
Dövlət başçısının imzaladığı sərəncamla bu əlamətdar tarix ölkəmizdə Zəfər Günü elan olundu və 2021-ci il yanvarın 14-də İlham Əliyev Şuşada üçrəngli bayrağımızı ucaltdı.
Ermənistanın növbəti hərbi təxribatına cavab olaraq 2020-ci il sentyabrın 27-də başlanan əks-hücum əməliyyatlarının ilk günündəcə düşmənin illərdir qurduğu müdafiə səddi yarıldı.
Hərbçilərimizin irəliləyişi nəticəsində Füzuli, Cəbrayıl, Hadrut, Xudafərin körpüsü, Zəngilan, Qubadlı və digər strateji məntəqələr bir-irinin ardınca azad edildi.
Qədim mədəniyyət mərkəzi olan Şuşanın şəhərə zərər vurulmadan azad edilməsi dünya hərb tarixində yenilik kimi qiymətləndirilir.
Şəhidlər xiyabanından xalqa müraciət edən Ali Baş Komandanın noyabrın 8-də verdiyi müjdə faktiki olaraq müharibənin taleyini həll etdi.
İmzalanan üçtərəfli bəyanata əsasən işğalçı tərəf Ağdam, Kəlbəcər və Laçını döyüşsüz qaytarmağa məcbur oldu və ümumilikdə 44 gündə 5 şəhər, 4 qəsəbə, həmçinin 286 kənd azad olundu.
2023-cü ilin sentyabr ayında həyata keçirilən bir sutkalıq lokal antiterror tədbirləri nəticəsində isə ölkəmizin suverenliyi tam bərpa olundu və separatizmin kökü birdəfəlik kəsildi.
Həmin il oktyabrın 15-də Prezident Xankəndi, Xocalı, Xocavənd, Ağdərə və Əsgəranda Azərbaycan bayrağını dalğalandıraraq tarixi ədaləti bərpa etdi.
Hal-hazırda Böyük Qayıdış proqramı çərçivəsində işğaldan azad edilmiş yurdlarımıza minlərlə keçmiş məcburi köçkün qayıdıb və bölgədə həyat yenidən canlanıb.