2023-cü il avqustun 17-dən Azərbaycan Respublikası Ədliyyə Nazirliyinin Penitensiar Xidmətində əsaslı təmir işlərinə başlanılıb. Azərbaycan Respublikası Ədliyyə Nazirliyi Penitensiar Xidmətinin saytında rəsmi məlumat yoxdur! Həmin gün Lider.comaz xəbər portalının baş redaktoru S. Heydərova Azərbaycan Respublikasının Ədliyyə Naziri cənab Fikrət Məmmədova müraciət edərək baş verənlərə aydınlıq gətirməsini xahiş etdi.18 avqust 2023-cü il tarixində Lider.com.az İnformasiya Portalından Azərbaycan Respublikası Ədliyyə Nazirliyi Penitensiar Xidmətinin mətbuat xidmətinə rəsmi sorğu göndərilib. 21 avqust 2023-cü il tarixdə S. Heydərova özü Azərbaycan Respublikası Ədliyyə Nazirliyi Penitensiar Xidmətinin internet saytında rəsmi məlumatın olmamasının səbəbini öyrənmək üçün Ədliyyə Nazirliyi Penitensiar Xidmətinin mətbuat xidməti ilə əlaqə saxlayıb.
Azərbaycan Respublikası Ədliyyə Nazirliyi Penitensiar Xidmətinin mətbuat xidməti rəsmi cavab gözlə deyib. S. Heydərova Azərbaycan Respublikası Ədliyyə Nazirliyinin mətbuat xidməti ilə də əlaqə saxlayıb, Nazirliyin rəsmisi Aynur Sabitova Azərbaycan Respublikası Ədliyyə Nazirliyi Penitensiar Xidmətinin mətbuat xidməti ilə əlaqə saxlayacağını və əsaslı təmir məsələsinə aydınlıq gətirəcəyini vəd edib. 22 avqust 2023-cü il tarixdə Aynur Sabitova S. Heydərova ilə əlaqə saxlamayıb. 5 gündür ki, rəsmi cavab almaq mümkün olmayıb. Hələlik naməlum səbəblərdən Azərbaycan Respublikası Ədliyyə Nazirliyinin Penitensiar Xidməti susur. Və çoxları maraqlıdır:
1. Azərbaycan Respublikası Ədliyyə Nazirliyi Penitensiar Xidmətinin binasının əsaslı təmirinə nə qədər vəsait ayrılıb?
2. Tenderin qalibi kim oldu?
3. Artıq əsaslı təmir olunmuş binada əsaslı təmir niyə aparılır?
4. Azərbaycan Respublikası Ədliyyə Nazirliyi Penitensiar Xidmətinin rəhbərliyi əsaslı təmir barədə məlumatı niyə gizlədir?
Bu faktı Azərbaycan Respublikasının Prezidenti cənab İlham Əliyevə çatdırmağı özümüzə borc bilirik. Əgər bu korrupsiya deyilsə, bəs onda nədir?
Azərbaycan atalar sözündə deyildiyi kimi
"Gedər ətəri, gələr betəri"
