Lider.com.az istinadən bildirir ki, Ukraynanın həyata keçirdiyi kütləvi pilotsuz uçuş aparatı hücumları üzündən əvvəlcə paytaxta eniş edə bilməyən dünyanın ən iri sərnişin təyyarəsi nəticədə Domodedovo hava limanında uğurla yerə enib.
Yerli kütləvi informasiya vasitələrinin yaydığı məlumata görə, Dubay şəhərindən Moskva istiqamətində hərəkət edən "Airbus A380" laynerli hava gəmisi Penza vilayətinin səmasında altmış dəqiqədən artıq dövrə vurduqdan sonra göstərilən aeroporta yönləndirilib.
Xatırladaq ki, Ukrayna qüvvələri son bir neçə saat ərzində Moskva şəhərinin hava limanlarını dronların hədəfinə çeviriblər.
Bununla əlaqədar olaraq, Rusiya Federal Hava Nəqliyyatı Agentliyi – "Rosaviasiya" paytaxtın hava məkanını tamamilə bağlamaq qərarı verib və bütün aeroportlarda uçuşların həyata keçirilməsi, eləcə də enişlər məhdudlaşdırılıb.