Lider.com.az istinadən bildirir ki, vəzifəli şəxsin qərarına qanunsuz təsir göstərməkdə günahlandırılan şəxsin barəsində aparılan istintaq yekunlaşdırılaraq aidiyyəti məhkəməyə ötürülüb.
Baş Prokurorluğun mətbuat xidmətindən məlumat verilib ki, Dövlət Gömrük Komitəsindən daxil olan sənədlər əsasında Məmmədov Taleh Zakir oğlunun qanunsuz hərəkətləri ilə əlaqədar Baş prokuror yanında Korrupsiyaya qarşı Mübarizə Baş İdarəsində başladılan cinayət işinin araşdırmaları başa çatdırılıb.
İbtidai istintaq zamanı müəyyən edilib ki, Taleh Məmmədov 2026-cı ilin may ayında vətəndaşa aid tərəvəz məhsullarının ölkə ərazisindən tranzitlə Rusiyaya daşınması zamanı Dövlət Gömrük Komitəsinin Astara Gömrük İdarəsində əlavə yoxlamalardan azad olunaraq maneəsiz buraxılması məqsədilə rüşvət alıb və nüfuz alveri ilə məşğul olub.
Yığılan sübutlar nəticəsində Taleh Məmmədova Cinayət Məcəlləsinin 312-1.1-ci maddəsi ilə, yəni vəzifəli şəxsin qərarına qanunsuz təsir göstərmə və nüfuz alveri ittihamı elan olunub, həmçinin istintaq orqanının qərarı ilə onun barəsində polisin nəzarəti altına vermə qətimkan tədbiri tətbiq edilib.
İstintaqı başa çatan cinayət işi baxılması üçün Tovuz Rayon Məhkəməsinə təqdim olunub.