Lider.com.az istinadən bildirir ki, Birləşmiş Ştatlar İslam Respublikasına qarşı hərbi əməliyyatların bərpası ehtimalı fonunda öz hərbi arsenalındakı ən dağıdıcı qeyri-nüvə sursatını tətbiq etməyi nəzərdən keçirir.
Söhbət ABŞ ordusunun malik olduğu ən nəhəng adi bomba sayılan GBU-43/B Massive Ordnance Air Blast, yəni qısaca MOAB sursatından bəhs olunur.
Hazırlanan yeni hərbi strategiyalara əsasən, “bombaların anası” adlandırılan bu vasitədən Tehranın nüvə obyektlərinə və enerji infrastrukturuna hücumlar zamanı istifadə olunması ehtimalı da mövcuddur.
Bununla belə, telekanalın mənbələri həmin sursatın istifadəsinin Yaxın Şərq bölgəsində hər hansı strateji hədəflərə çatmağa və ya qüvvələr nisbətini dəyişməyə kömək edəcəyinə şübhə ilə yanaşdıqlarını bildiriblər, lakin eyni zamanda bu addımın qarşıdurmanı daha da gərginləşdirə biləcəyini vurğulayıblar.
Xatırladaq ki, ümumi çəkisi 9,8 ton olan MOAB bombasının 8,5 tonunu partlayıcı maddə təşkil edir, uzunluğu 9,14 metr, diametri isə 1,03 metrə bərabərdir.
2003 ildə istehsal edilən bu silahın ilkin sınağı həmin il martın 11-də Amerikanın Florida ştatındakı Eqlin hərbi hava bazasının poliqonunda həyata keçirilib, real döyüş şəraitində isə ondan yalnız bir dəfə - 2017-ci il aprelin 13-də Əfqanıstan ərazisində İŞİD terror qruplaşmasının mövqelərini məhv etmək məqsədilə yaralanıb.