Lider.com.az istinadən bildirir ki, Yəmən husilərinin artan hücumları səbəbindən Səudiyyə Ərəbistanı paytaxt Ər-Riyadda təşkil olunması planlaşdırılan "Gələcək İnvestisiya Təşəbbüsü" adlı qlobal biznes tədbirini ləğv etmək qərarına gələ bilər.
Mətbuatda yayılan məlumatlara əsasən, "Səhranın Davosu" adı ilə məşhurlaşan bu beynəlxalq investisiya sammitinin növbəti həftə əvvəlki qaydada canlı rejimdə baş tutacağı ehtimal olunmur.
İştirak və təşkilat komitəsi hazırda konfransın nəzərdə tutulan günlərdə onlayn formatda təşkilini, yaxud da başqa bir vaxta keçirilməsini nəzərdən keçirirlər.
Bildirilir ki, bu cür müzakirələrə səbəb husilərin son zamanlar krallığın neft komplekslərinə, hava limanlarına və digər hərbi obyektlərinə qarşı törətdikləri hücumlar barədə bəyanatları olub.
Hələlik sammitin yeni tarixi və ya hansı formada baş tutacağı ilə əlaqədar son qərar açıqlanmayıb.