Lider.com.az istinadən bildirir ki, Litva hökuməti ölkənin hava sərhədlərini pozan pilotsuz uçuş aparatlarının gözlə birbaşa vizual təmas qurulmadan vurulması variantını Şimali Atlantika Alyansı ilə razılaşdırmaq niyyətindədir.
Bu təşəbbüslə Litvanın Baş naziri Mindauqas Sinkəviçius çıxış edib. Hökumət rəhbəri bildirib ki, Zoknyay aviabazasında növbəli şəkildə fəaliyyət göstərən NATO müttəfiqlərinə aid qırıcıların qanunsuz hava obyektlərini məhv etmə mexanizminə yenidən baxılmalıdır.
Məsələ ilə bağlı danışan baş nazir qeyd edib: “Hava sahəsinə müdaxilə edən pilotsuz aparatlara qarşı reaksiya qaydalarının dəyişdirilməsi məqsədilə NATO çərçivəsində məsləhətləşmələrin aparılması üçün artıq müvafiq tapşırıq vermişəm. Hesab edirəm ki, bu prosesin yekunlaşması üçün bir aylıq müddət yetərli olacaq”.
Sinkəviçiusun qənaətinə görə, hərbi blok hava məkanının pozulması hallarında tətbiq olunacaq addımların tənzimlənməsini hər bir müttəfiq ölkənin daxili hüquqi normalarına həvalə edə bilər.
Qüvvədə olan təlimatlara əsasən, dinc dövrdə qırıcı təyyarəni idarə edən hərbçi hədəfin pilotsuz aparat olduğunu gözlə aydın görmədən və bunu təsdiqləmədən ona qarşı silah tətbiq etmək səlahiyyətinə malik deyil.