Lider.com.az istinadən bildirir ki, İtaliyanın nəqliyyat və infrastruktur naziri, həmçinin baş nazirin müavini Matteo Salvini Kiyevə hərbi və maliyyə dəstəyinin dayandırılması istiqamətində addım atacağını bəyan edib.
Rəhbərlik etdiyi “Liqa” siyasi təşkilatının növbədənkənar qurultayında çıxış edən siyasətçi bu məsələyə toxunub və tədbir iştirakçılarının böyük əksəriyyətinin səsi ilə yenidən partiyanın milli katibi vəzifəsinə layiq görülüb.
“Əgər bu qurultayda məni katib seçirsinizsə, bunu növbəti Nazirlər Şurasının iclasında ‘Liqa’nın mövqeyini müdafiə etmək üçün mandat hesab edirəm. Biz artıq Ukraynaya pul və silah göndərə bilmərik”, – deyə Salvini bildirib.
Xatırladaq ki, sözügedən partiya daha əvvəllər də Ukraynaya silah təminatının dayandırılmasının tərəfdarı olub və qarşıdurmanın sülh yolu ilə aradan qaldırılmasına çağırışlar edib.
Buna baxmayaraq, təşkilat Ukraynaya yardım paketləri ilə əlaqədar qanunverici orqanda keçirilən səsvermələrdə dəfələrlə iqtidar koalisiyasının xəttini dəstəkləyib.
Yerli kütləvi informasiya vasitələri və müxalifət qüvvələri Salvininin Ukrayna böhranı ilə bağlı mövqeyinin hökumət başçısı Corca Meloni və xarici siyasət idarəsinin rəhbəri Antonio Tayaninin kursundan fərqləndiyini diqqətə çatdırırlar.