Lider.com.az istinadən bildirir ki, Suriya rəhbərliyi dövlətin yenidən qurulması prosesinə kömək göstərilməsi istiqamətində Dünya Bankı ilə çoxtərəfli donor strukturunun təsis olunması üzrə razılıq əldə edib.
Açıqlamaya əsasən, Suriya torpaqlarının bərpası və dirçəldilməsi prosesinə dəstək məqsədilə START adlı Etimad Fondu fəaliyyətə başlayacaq. Sözügedən qurum güzəştli kreditlərin ayrılması, sərmayə təminatları və mühəndis-texniki yardımlarla bərabər, dövlət qurumlarının imkanlarının artırılmasına da töhfə verəcək.
Yeni mexanizm Dünya Bankının nəzarəti altında ianəçilər və inkişaf sahəsində tərəfdaşlarla birgə şəkildə idarə olunacaq. Təqdim edilən vəsaitlər Suriya rəsmilərinin müəyyənləşdirdiyi əsas istiqamətlərə uyğun şəkildə yönəldiləcək. Bu təşəbbüs beynəlxalq yardımların bir yerə cəmlənməsini, iqtisadi dirçəlişin tezləşdirilməsini, bərpa tədbirlərinin və struktur islahatlarının həyata keçirilməsini qarşıya məqsəd qoyub.