Lider.com.az istinadən bildirir ki, Amerika Birləşmiş Ştatlarının Prezidenti Donald Tramp oktyabrın 27-nə təyin olunan parlament seçkilərində İsrailin Baş naziri Benyamin Netanyahunun namizədliyini dəstəklədiyini bəyan edib.
Dövlət başçısı bu barədə “Truth Social” platformasındakı hesabında məlumat paylaşıb.
Ağ Evin rəhbəri Netanyahunun qətiyyətli, cəsur və uzaqgörən rəhbər olduğunu vurğulayıb.
Donald Tramp qeyd edib ki, Benyamin Netanyahu həm ölkə daxilindən yönələn basqılara, həm də digər böyük maneələrə qarşı olduqca igid və ağıllı mövqe nümayiş etdirib.
O, Netanyahunun Vaşinqtonun İsraildən gözlədiyi tələblərə cavab verən etibarlı tərəfdaş olduğunu bildirib.
Birləşmiş Ştatların rəhbəri əlavə edib ki, bu müraciəti onun İsrailin baş naziri postuna yenidən seçilməsini birmənalı və qəti şəkildə dəstəklədiyini göstərir.
Xatırladaq ki, yəhudi dövlətində qanunverici orqana seçkilər oktyabrın 27-də baş tutacaq.
Bu səsvermə 2023-cü il oktyabrın 7-də HƏMAS qruplaşmasının hücumlarından sonra ölkədə gerçəkləşəcək ilk parlament seçkisi kimi tarixə düşəcək.