Lider.com.az istinadən bildirir ki, Dünya Bankı yoxsul və inkişaf yolunda olan dövlətləri kompakt süni intellekt alətləri yaratmağa səsləyib.
Bunu qurumun biliklər üzrə baş direktoru Paskal Donohoe söyləyib.
Onun fikrincə, sürətli internetə ehtiyac duymayan və birbaşa mobil cihazlarda çalışan süni intellekt platformaları iqtisadi tərəqqiyə güclü təkan verə bilər.
Donohoe vurğulayıb ki, belə yeniliklər yerli dialektlərə, həmçinin vətəndaşların spesifik tələbatına uyğunlaşdırılmalıdır.
O, nümunə olaraq Hindistandakı əkinçilərin torpaq sahələrinin durumunu öyrənmək məqsədilə süni intellektdən yararlanmasını diqqətə çatdırıb.
Maliyyə qurumunun rəsmisinin sözlərinə görə, əvvəllər əsrlər boyu davam edən iqtisadi yüksəliş mərhələləri bu cür texnologiyalar sayəsində cəmi bir neçə onillik ərzində reallaşa bilər.
Digər tərəfdən, Beynəlxalq Valyuta Fondunun rəhbəri Kristalina Georgiyeva süni intellektin məşğulluq sektoruna ola biləcək təsirləri barədə xəbərdarlıq edib.
Onun qiymətləndirməsinə əsasən, qlobal miqyasda bütün iş yerlərinin təxminən qırx faizi bu texnologiyanın təsir dairəsinə düşə bilər ki, bu da bəzi peşələrin tamamilə ləğvinə, digərlərində isə işin mahiyyətinin dəyişməsinə səbəb olacaq.
Georgiyeva xüsusilə əmək bazarında yeni addımlayan gənc nəslin ciddi təhlükə ilə üz-üzə qaldığını diqqətə çatdırıb.
O əlavə edib ki, süni intellektin kütləvi şəkildə tətbiqi üçün etibarlı internet şəbəkəsi, kifayət qədər elektrik enerjisi və müvafiq təhlükəsizlik tədbirləri mütləq şəkildə təmin edilməlidir.