Lider.com.az istinadən bildirir ki, Rusiya hakimiyyəti ABŞ lideri Donald Tramp administrasiyasının Ukrayna dövlət başçısı Volodimir Zelenskiyə münasibətdə sərt xəttini və Vaşinqtonun son qərarlarını Kremlin böyük siyasi qələbəsi olaraq dəyərləndirir.
Bu barədə məlumatı “The Washington Post” nəşri yayıb.
Qəzetin yazdığına görə, Rusiya Prezidenti Vladimir Putinlə Trampın sonuncu telefon ünsiyyətindən keçən 10 gün ərzində Ağ Ev rəhbərliyi Rusiya dizelinin dünya bazarlarına çıxarılmasına məhdudiyyət istisnası verib, Kiyevin döyüş əməliyyatlarında faydalandığı əsas peyk şəbəkələrinə girişini məhdudlaşdırıb, Rusiyaya qarşı yenilənmiş sanksiyaların qəbulunu təxirə salıb və Ukraynaya kritik önəm daşıyan hava hücumundan müdafiə sistemlərinin ötürülməsini ləngidib.
Bazar ertəsi günü Donald Tramp Zelenskinin ünvanına növbəti dəfə tənqidi fikirlər səsləndirərək bəyan edib ki, artıq Ukraynanı təmsil edərək danışıqlar masasına başqa şəxsin oturmasının vaxtı çatıb.
Nəşrin qeyd etdiyinə görə, Rusiya rəsmiləri bu tədbirləri Ukrayna üzərində qazanılan uğur və Vaşinqton-Moskva xəttində əlaqələrin isinməsi kimi qəbul edirlər. Qitədəki siyasi gərginlik fonunda Qərbin Ukraynaya yardımlarının zəifləməsi ehtimalı da Moskvanın ümidlərini gücləndirir.
Öz növbəsində, Zelenski Birləşmiş Ştatların Kremlin mövqeyini müdafiə etməsinin ölkəsi üçün ağır fəsadlar doğura biləcəyini diqqətə çatdırıb. O, “NBC” telekanalına verdiyi açıqlamada Ağ Evin Rusiya ilə birdəfədən mövqe tutmasının Ukraynanın hərbi müqavimət potensialını əsaslı şəkildə azaldacağını bildirib.
“The Washington Post” vurğulayır ki, Avropa ölkələrinin rəhbərləri və Ukrayna hakimiyyəti Norveç paytaxtındakı təmaslar vasitəsilə Tramp administrasiyasını Rusiyaya qarşı sərt mövqeyə qaytarmağa cəhd göstərə bilərlər.