Lider.com.az istinadən bildirir ki, Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas Vaşinqtonun artıq il yarımdır Kiyevi kapitulyasiyaya sürüklədiyini bildirib.
Onun sözlərinə görə, Ukraynadakı qarşıdurma bu günədək məhz Avropa İttifaqının hərbi yardımları və təchizatı sayəsində hələ də davam etməkdədir.
Diplomatik xidmətin rəhbəri əlavə edib ki, qurum Rusiyaya qarşı maksimum tələblər irəli sürməyə çalışır ki, müharibəyə sərf olunan vəsaitlər boşuna xərclənmiş olmasın.
Kallas fikrini belə tamamlayıb: “Ukrayna niyə indiyədək təslim olmayıb? Çünki Avropa onu təchiz edir”.
Xatırladaq ki, daha əvvəl Avropa Komissiyası böhranın başlanğıcından bəri Kiyevə hərbi və maliyyə yardımları çərçivəsində 228 milyard avrodan çox pul xərcləndiyini bəyan etmişdi.