Lider.com.az istinadən bildirir ki, Macarıstanın Azərbaycandakı səfiri Tamaş Torma ölkəmizin iqtisadi sahəsinə təqribən 2 milyard ABŞ dolları dəyərində sərmayə qoyulduğunu bəyan edib.
Bu barədə diplomat 1956-cı il Macarıstan inqilabının 70 illiyinə həsr olunan mərasimdəki çıxışı zamanı danışıb.
Budapeştin Bakının başlıca investorlarından biri olduğunu vurğulayan diplomat macar şirkətlərinin respublikamızın əsas karbohidrogen yataqlarında pay sahibi olduqlarını diqqətə çatdırıb.
İki dövlət arasındakı tərəfdaşlığın yaşıl enerji istiqamətini də əhatə etdiyini deyən səfir tərəflərin yaşıl dəhliz layihəsində birgə çalışdıqlarını, həmçinin MVM firmasının Şəfəq Günəş Elektrik Stansiyasının qurulmasında təmsil olunduğunu söyləyib.
Eyni zamanda, səfir iqtisadi əlaqələrin kənd təsərrüfatı, su təminatı və əczaçılıq sektorlarında da uğurla irəlilədiyini qeyd edib.