Lider.com.az istinadən bildirir ki, Misli Premyer Liqasında doqquzuncu turun oyunları çərçivəsində mübarizə davam etdirilir.
Turun növbəti günündə ümumilikdə iki qarşılaşmanın baş tutması nəzərdə tutulub.
Günün açılış matçı Sumqayıt şəhərində baş tutub və “Şəfa” kollektivi “Kəpəz”lə münasibətlərini aydınlaşdırıb.
Matçda hesab fasilədən sonra, dəqiq desək, ikinci hissədə dəyişib və meydan sahibləri önə keçiblər. Buna baxmayaraq, Gəncə təmsilçisi matçın gedişində dönüş yaradaraq rəqibini üstələməyi bacarıb və 2:1 hesablı qələbə qazanıb.
Misli Premyer Liqası IX tur çərçivəsində keçirilən “Şəfa” – “Kəpəz” görüşü qonaqların üstünlüyü ilə yekunlaşıb. Oyuna “SOCAR Polymer Arena” ev sahibliyi edib.
“Şəfa” klubunun start heyətində Tiaqo Silva (97), kapitan Elnur Cəfərov (42), Rauf Hüseynli (55), Nihad Quliyev (83), Fərid Yusifli (6), Dilan Mertens (10), Maudo Jarjue (4), Musa Quel (17), Andrey Draqu (11), Luis Felipe (9) və Kristofer Mamenqi (34) yer alıblar.
Bu komandanın ehtiyat oyunçuları qismində Əlirza Müştəbazadə (12), Məmməd Hüseynov (99), Tərlan Quliyev (3), Murad Musayev (28), İsmayıl Zülfüqarlı (21), Vüsal Qənbərov (29), Nahid Əliyev (23), Elmar Məmmədov (77), Bafode Dansoko (18), Vlad Pop (8), Umar Diav (22) və Treyvon Fuller (7) daxil ediliblər. Kollektivin baş məşqçisi Zaur Həşimovdur.
“Kəpəz” heyətində isə meydana Rojerio Santos (1), kapitan Urfan Abbasov (34), Rəhman Hacıyev (10), Rafael Məhərrəmli (20), Şakir Seyidov (8), David Domqjon (66), Viktor Stina (11), Benito (33), Adama Fofana (14), Mate Abuladze (4) və Desmond Akua (27) çıxıblar.
Gəncə təmsilçisinin ehtiyat skamyasında Rəşad Əzizli (94), Elgün Bayramov (81), Vadim Abdullayev (6), Əli Səmədov (99), Hüseyn Babayev (5), Ümid Səmədov (17), Fərid Kələntərov (19), Arzu Atakişiyev (2), Şahnur İsmayılov (70), Amur Yusifov (57), Azuma Abubakar (21) və Mahamadu Ba (3) yer alıblar. Komandanın baş məşqçisi vəzifəsini Azər Məmmədov icra edir.