Lider.com.az istinadən bildirir ki, Rusiyanın Tehrandakı diplomatik nümayəndəliyi ölkədəki rusiyalı diplomatların və mütəxəssislərin guya geri çağırılması barədə yayılan iddialarla əlaqədar rəsmi açıqlama yayıb.
Diplomatik missiya bəzi qərəzli KİV-lərdə səfirlik işçilərinin, eləcə də Buşehr Atom Elektrik Stansiyasının rusiyalı mütəxəssislərinin təxliyə edildiyi haqqında xəbərlərdən xəbərdar olduqlarını bildirib.
Açıqlamada qeyd olunub: "Bununla əlaqədar bildiririk ki, nə səfirliyin əməkdaşları, nə də Buşehr Atom Elektrik Stansiyasında çalışan rusiyalı mütəxəssislər İranı tərk edirlər".
Rusiyanın səfirliyi işlərin əvvəlki qaydada davam etdiyini diqqətə çatdıraraq vurğulayıb: “Bunun əksini iddia edən məlumatlar həqiqətə uyğun deyil və onların mənşəyi də tamamilə aydındır”.