Lider.com.az istinadən bildirir ki, Rusiya, Birləşmiş Ştatlar və Ukrayna nümayəndələrinin iştirakı ilə üçtərəfli müzakirələrin növbəti mərhələsi Birləşmiş Ərəb Əmirliklərinin paytaxtı Əbu-Dabi şəhərində təşkil oluna bilər.
Bu barədə Kremlin rəsmi nümayəndəsi, Rusiya dövlət başçısının beynəlxalq məsələlər üzrə köməkçisi Yuri Uşakov məlumat verib.
Onun sözlərinə görə, tərəflər məhz Əbu-Dabini əsas məkan kimi nəzərdən keçirirlər: "Biz Əbu-Dabini nəzərdə tutmuşuq. Belə razılıq əldə olunub ki, haradasa noyabrın ortalarında, ayın 10-dan sonra görüş olacaq. Danışıqlara kimin qatılacağı hələ müəyyən edilməyib. Prezident qərar verəcək".
Uşakov həmçinin əlavə edib ki, təmaslar əvvəlki qaydada mütəxəssislər səviyyəsində davam etdiriləcək. Onun ifadəsinə əsasən, müzakirələrin mərkəzində hərbi qarşıdurma başa çatdıqdan sonra həm Rusiyanın, həm də Ukraynanın təhlükəsizlik məsələlərinin zəmanət altına alınması dayanacaq.