Lider.com.az istinadən bildirir ki, son zamanlar Birləşmiş Ştatlar Yaxın Şərqdə yerləşən hərbi bazalarında şəxsi heyətin sayını aşağı salmaqdadır.
Yayılan məlumatlara əsasən, hərbi qüvvələrin ixtisarı prosesi Küveyt, Qətər və İordaniyadakı hərbi obyektləri əhatə edib.
Bundan başqa, oktyabrın 21-də Vaşinqtonun bu bölgədəki bir sıra diplomatik missiyalarının rəhbərlərinə qarşıdakı kadr qısaltmaları barədə xəbərdarlıq edilib.
İnformasiya mənbələri vurğulayıb ki, ABŞ hərbçilərinin və diplomatik missiya əməkdaşlarının sayının indiki azaldılması Vaşinqtonun İrana qarşı fevral ayında başladığı hərbi kampaniyadan əvvəl həyata keçirdiyi tədbirləri xatırladır.
Yaranmış vəziyyətlə əlaqədar açıqlama verən ABŞ Mərkəzi Komandanlığının rəsmi nümayəndəsi Timoti Hokins qeyd edib ki, hərbi qulluqçuların və texniki vasitələrin yerdəyişməsi mütəmadi qaydada icra olunur.
O diqqətə çatdırıb ki, onlar səmərəliliyin artırılması məqsədilə ABŞ qüvvələrini və resurslarını mütəmadi olaraq yenidən dislokasiya edirlər, lakin bu cür addımları müzakirə etmədiklərini bildiriblər.