Lider.com.az istinadən bildirir ki, Azərbaycanın xarici işlər naziri Ceyhun Bayramov ölkəmizdə səfərdə olan İslam Əməkdaşlıq Təşkilatının Baş katibi İsmail Ould Şeyx Əhmədlə bir araya gəlib.
Bu barədə XİN rəhbəri özünün sosial şəbəkə hesabında məlumat paylaşıb.
Diplomatik ведомствonun rəhbəri baş katibi yeni vəzifəyə gəlməsi münasibətilə bir daha təbrik edib və gələcək işlərində müvəffəqiyyətlər arzulayıb.
Danışıqlar zamanı Azərbaycanla İƏT arasında tərəfdaşlığın genişləndirilməsi, ölkəmizin təşkilata sədrliyi dövrünün əsas istiqamətləri, eləcə də 2027-ci ildə Bakıda təşkil olunacaq İƏT Sammitinə hazırlıq prosesi ətraflı müzakirə edilib.
Ceyhun Bayramov qurumun ölkəmizin haqlı mövqeyinə, ərazi bütövlüyü və suverenliyinə illər boyu verdiyi dəstəyə görə təşəkkürünü çatdırıb.
Müzakirələr zamanı, eyni zamanda, təşkilatın fəaliyyət mexanizmlərinin təkmilləşdirilməsi və İslam dünyasının qarşılaşdığı müasir çağırışlara daha operativ cavab verilməsi məqsədilə struktur islahatlarının vacibliyi diqqətə çatdırılıb.
Görüşdə həmçinin üzv ölkələr arasında qarşılıqlı həmrəyliyin dərinləşdirilməsi, ümumi hədəflərə dialoq, əməkdaşlıq və birgə səylər vasitəsilə nail olunması istiqamətində qətiyyət bir daha təsdiq olunub.